Qarabağa qayıdış
QARABAĞA QAYIDIŞ – QÜRURUMUZ, ZƏFƏRİMİZ
44 GÜNLÜK ZƏFƏRİN RUHU
Qarabağ Azərbaycandır – bu ifadə artıq yalnız bir şüar deyil, 44 günlük Vətən müharibəsində xalqımızın birliyi, Ordumuzun rəşadəti və Ali Baş Komandan, Prezident İlham Əliyevin qətiyyətli siyasi iradəsi ilə reallığa çevrilmiş tarixi qələbəmizdir.
Bu Zəfər təkcə torpaqlarımızın azad olunması deyil, həm də milli ləyaqətimizin bərpası, dövlətçilik yolunda yenilməzliyimizin təsdiqi oldu.
Müzəffər Ali Baş Komandanın dəmir yumruğu, Azərbaycan əsgərinin misilsiz qəhrəmanlığı, xalqımızın birliyindən doğan güc – bu gün Qarabağa qayıdış sevincini, yenidən doğulan ümidləri və qürur hissini hər addımda yaşadır.
Azad olunmuş hər qarış torpaq, hər dağ və hər vadidə həmin tarixi günlərin nəfəsi duyulur. Qarabağ artıq yalnız xatirələrdə deyil – gerçək həyatımızdadır.
YENİDƏNQURMA DÖVRÜ VƏ MİNERA ŞİRKƏTİNİN QÜRURLU TÖHFƏSİ
Bu gün Qarabağda Prezident İlham Əliyevin liderliyi altında yeni bir inkişaf mərhələsi yaşanır. Azad edilmiş torpaqlarda genişmiqyaslı yenidənqurma, müasir şəhərsalma, infrastruktur, sənaye və yaşayış layihələri həyata keçirilir. Qarabağ təkcə bərpa olunmur o, Azərbaycanın ən müasir və ən inkişaf etmiş bölgələrindən birinə çevrilir.
Minera olaraq biz bu tarixi missiyanın bir parçası olmaqdan böyük qürur duyuruq. Şirkətimiz Qarabağda aparılan yenidənqurma işlərinə öz peşəkar potensialı, texniki imkanları və məsuliyyətli yanaşması ilə töhfə verir. Hər bir layihədə məqsədimiz yalnız tikinti və xidmət deyil — Vətənimizin tarixində yeni bir səhifənin yazılmasına xidmət etməkdir.
Qarabağın dirçəlişi, qayıdışın sevincini reallığa çevirən bu böyük quruculuq prosesi Minera üçün bir layihə deyil, şərəfli bir vəzifədir. Biz fərəhlə inanırıq ki, bu torpaqlarda qurulan hər yeni yol, hər bina, hər tikili Azərbaycanın qüdrətini, xalqımızın yenilməz iradəsini və gələcəyə inamını əks etdirir.
